شعر من تأليفي على ما يحدث في هذا الزمان

كل حتة في البلاد فيها خراب ودمار
هنا وهناك صخب وصياح وعراك وضرب نار
وتظاهر بالألاف ... أصوات عالية وهتاف
والناس ما بين قتيل وجريح وشريد من غير ديار

حكَّام من يوم ما حكموا بيظلموا في الناس
قفلوا ع الناس ببانهم بالقفل والترباس
فاكرين الكرسي دايم ... والناس زي البهايم
وعشان يسوقوهم مسكوا العصا بحماس

والناس علشان ضعاف سكتوا واتقبلوا
رضيوا يكونوا بهايم يشيلوا يحملوا
وكمان بقوا يهتفولهم .... عشان يسايسوا أمورهم
وبكل نفاق يحيوا ويغنوا ويطبلوا

ومرة على مرة أصحابنا ساقوا فيها
وحملوا البهايم حمول مقدروش عليها
عرفوا ساعتها البهايم ... إن همَّ مش بهايم
وإن ليهم كيان وحقوق لازم يطالبوا بيها

وما بين ليلة ويوم الناس بقت وحوش
واما اتجمعوا كلهم اتشجعوا وماخافوش
وقدروا يقولوا لأ ... عرفوا إن ليهم حق
بقى ليهم قوة أقوى بكتير من سلطة العروش

والحكام استهانوا ورفعوا الأسلحة
وقالوا : كله مكانه لنخليها مدبحة
ولما الناس تماسكوا ... قتلوا فيهم وجرحوا
وشوارع البلاد بقت كأنها مشرحة

لكنّ الحق دايماً هو المنتصر
ورب العالمين مع كل منكسر
ده مُلْك وليه إله ... بينظم الحياة
وكل ظالم جبان مسيره ينكسر ......... مسيره ينكسر

شكرررررررررررررا لك شعر في القمة ننتضر ابداعاتك القادمة

نعم أختي الحق دائما هو المنتصر
شكرا لكي والله شعر رائع وبديع
أنت حقا تنالي الوسام الذهبي في الشعر
فهيمة أنت جميلة وشعركي كذلك

» كم صـــــديق لك في هذا الزمان
» قل الصدق وانقطع الإخاء والمحبة في هذا الزمان
» أخشى أن يحدث ما أكره..........
» ماذا يحدث لك إن كنت لا تصلي ....
» ماذا يحدث حين تذهب سيدة عجوز الى المحكمة؟؟؟؟