اللغاز تابع

موضوع: اللغاز تابع الأربعاء مارس 23, 2011 11:11 am

41

ياويش شي بلا روح

يمشي قدم ويحقق اهدافه

لفكه الله من الساموح

يقضي اللزوم وعمه اخلافه

الجواب )) المنظار ))

--------------------------------------------------------------------------

42

انشدك عن ذودين صفرا ومجاهيم

وفيهن قعيدتهن وفيهن فحلهن

يسوقهن ربعا على الورد شفقين

والي يوردهن لعده كسبهن

الجواب )) حبوب الكيرم ))

-------------------------------------------------------------------------------

43

انشدك عن عذرى تزوجها غشيم

وعند اهل العلم جيزتها حرام

بناتها عشرين يلقاها الفهيم

واذا اخذها الرجل راحت عدام

الجواب )) بكت الدخان ))

---------------------------------------------------------------------------------

44

انشدك عن ورع حكمله خلق

حكمه في للحظه صدر فيهم

ناس في حكمه حرقهم حرق

وناس تعلت مراقيهم

الجواب )) هدف الذهبي ))

-------------------------------------------------------------------------------

45

انشدك عن بنت فيها الخير والشر

موجوده منذا العصور القديمه

تظربها الامثال وبطيب تذكر

واخر حياة البنت صارت عديمه

الجواب )) النار ))

----------------------------------------------------------------------------------

46

انشدك عن بنت جميله

تجامع دايم في حضن ابوها

ركبها واحدا تسمع صهيله

وجوا الجيران لكن ماحموها

الجواب )) منارة المسجد ))

---------------------------------------------------------------------------------------

47

انشدك عن رجلا عنوله مداوير

والكل وده بسرع الوقت يلقاه

ولهم بلاجات الروابع مناعير

ومن الغريبه من عثر فيه خلاه

الجواب )) الغز ))

----------------------------------------------------------------------------

48

انشدك عن طيرا ولافيه جنحان

اسرع من البرق والي ذكر مسيره

في ساعته يوصلك لندن وعمان

وفي للحظه ياصل جميع الجزيره

الجواب )) الهاجوس ))

---------------------------------------------------------------------------

49

انشدك عن ثلاثه اجياد

اصايل البعد جابنه

الناس تفنى وهن اجداد

واذا زعلن على الحي ما ارضنه

الجواب))الطلاق ))
50

سمي خلي بين الايام ساعه

بين النهار وبين ساعه من الليل

والاسم الاخر عند راعي الفلاحه

يبغى البنات ولايبغى الطول الجيل

الجواب )) نجمه ))

---------------------------------------------------------------------------

51

ويش انحيف ارقبته طويله

نهدف على قدام واراس مجدور

اعزب من العزاب ماله حليله

واصبح سميه في البلاد مشهور

الجواب ))الدش الماء ))

------------------------------------------------------------------------

52

انشدك عن رجلا يعلق بساقيه

وراسه على سلةى الخطر مايخافي

وفيه النفس وجماد باقيه

مسكين جلده مايضفي على جسمه الضافي

الجواب )) المنفاخ النار ))

-------------------------------------------------------------------------------

53

انشدك عن رجلا علينا طريقه

احدا يرحبه ويخوف اليا جاه

واحدا يتهرب عنه وانكر رفيقه

صعب عليك الطيب من عقب ملفاه

الجواب )) الشيب ))

--------------------------------------------------------------------------------

54

انشدك عن عذرى تخيف ولا تخافي

عند بعض الناس دايم ماتغيب

وان سئلها والي يبي كشف الخوافي

تفضحه ولو كان امره عجيب

الجواب )) البصمه ))

----------------------------------------------------------------------------------------

55

انشدك عن رجلا سريع اذا جاك

رجلا لمنك دعيته يجيلك

يفهم هدفك ثم يعرف نواياك

يقبض عليك ثم يخلي سفيرك

الجواب )) اللفت او المصعد الكهربائي ))

-----------------------------------------------------------------------------------------

56

انشدك عن رجال يمشي قدام وورى

مستمر في التقدم وارجوع

مايخاف لو يقابل عنترى

خلقه الله لا عيون ولاسموع

الجواب )) المنشار ))

---------------------------------------------------------------------------------------------

57

انشدك عن رجلا ركب خامس الخمس

بطنه كبير ولايذوق الطعامي

ماسئل عن ظل ولا سئل عن شمس

وان طب في بحر الهيام مايهامي

الجواب )) الخاتم ))

---------------------------------------------------------------------------------------

58

وش لك من رجال في الخير مملوح

طبعه كريم وانساء مايحبنه

وياكم صبر من مره ومامعه روح

بسبايب ورعه والبني عذبنه

الجواب )) انجر ))

------------------------------------------------------------------------------------

59

انشدك عن عذرى لها مستوى زين

عشاقها واجد وبكل النواحي

من شانها العالم يروحون قسمين

وكلا يطنب فوقها بصياحي

بنت اليا طبت بخطوة الميادين

من حرصهم صكوا فوقها بسلاحي

الجواب )) الكورة ))

---------------------------------------------------------------------------------------

60

انشدك عن رجلا تنسم بلا روح

من خلقته الدنيا ء وكلا يشوفه

في كتاب ربي ناجده وسط الوح

شكله غريب عاجزات وصوفه

الجواب )) الصبح ))

----------------------------------------------------------------------------

61

ياويش بنت جوزوها رجال

اسود سواده كالح كنه القار

صارت بجنبه وعقبهم زانة الحال

والي جمع بينهم صالي النار

الجواب ))رقعة الستك ))

-----------------------------------------------------------------------------------

62

انشدك عن بنت تجي للخطيه

بنت لها راسين وتقول ياعم

بنت على الميزان ماتجي وقيه

بنت تمشي على الاقدام ماتنقل الدم

(( عصاة موسى عليه السلام ))

-----------------------------------------------------------------------------------------

63

ويش الغراب الي تعلى حمامه

جاه غراب البين والروح ذكرها

يوم ذكرها عندها با السلامه

من يوم خلاها تطاول سهرها

الجواب )) ثوب الحداد ))

------------------------------------------------------------------------------------------

64

سرحت مع راعي المجاهيم ووفيت

وسرحت مع راعي المغاتير واوفي

وان ردني راعي المجاهيم رديت

ماني على الدنياء كثير الحسوفي

الجواب )) الشيب والشباب ))

------------------------------------------------------------------------------------

65

انشدك عن بنت لشيوخ مسماه

تنقل ولدها دايم في ظهرها

وان مات ولدها ماتة وياه

وان ماتت يلقى هو بدلها

الجواب )) بطاقة الاحوال ))

------------------------------------------------------------------------------

66

انشدك عن رجلا يقصر الهقوات

شره لخويه وخيره لعمه

خويه يشكي الظيم في كل ساعات

له جرة ابين من الشمس سمه

الجواب )) قيد الناقه ))

----------------------------------------------------------------------------------------

67

يالي سمعت الغز عبر الجهازات

نبغى حلول الغز كلا ومده

انشدك عن بنت على طول الاوقات

تاقف طول اسنينها مستعده

تامر وتنهى بلاصوت واسكات

وملا يطاوعها حشى ماترده

الجواب )) اشارة المرور ))

--------------------------------------------------------------------------------

68

انشد العراف عن رجلا قديم

ماذهب مع جيل راحوا واخسروه

بين فعله لو ان جسمه سقيم

سيرته من قابضينه مافعل لو اتركوه

الجواب )) القلم ))

-------------------------------------------------------------------

69

انشد العراف عن عدة بنات

راكبات فوق ابوهن جميع

بينات وفوق ابوهن راكبات

صالحات للكبير وارضيع

الجواب )) السبحه ))

-----------------------------------------------------------------------

70

انشدك عن عود يجرونه اثنين

يمشي على راسه ورجله في قفاه

مجود وبين من يسار ومن يمين

عناه رب البيت ويامقوى عناه

الجواب )) المحراث ))

-------------------------------------------------------------------------------

71

انشدك عن شي طويل

نحيف وعرضه مقلات

يركب ورع ورياجيل

ويمسح على انهود البنات

الجواب )) حزام الامان ))

-----------------------------------------------------------------------------

72

وش الصديق الي تحبه وتغليه

من زود حبه ودك انه بعيدي

مادام انه بعيد مواريه

واذا اقترب يضيق صدرك اكيدي

الجواب )) النظر ))

---------------------------------------------------------------------------------

73

انشد العراف عن علم وكيد

وش حاجته تضحك وتخفي شرها

نوب تجيب الخير لونه بعيد

ونوب يلوف الكبد والله حرها

الجواب )) الدنياء ))

-------------------------------------------------------------------------

74

انشدك عن رجلا على الظيم صبار

رجلا مريض وعلته داخليه

بسباب ورع شب في جوفه النار

والورع يحمل كل شخص سميه

الجواب )) قلب السخان ))

-----------------------------------------------------------------------------

75

انشد ك عن الي ساكن ساحة البر

يرقى القصور العاليات مزاجه

في البر موجود وفي البحر مامر

الي على الجواد ياخذ خراجه

واذا جهلت ارجع الحديث ابو ذر

الي رواه الترمذي وابو ماجه

الجواب )) النمل ))

------------------------------------------------------------------------

76

انشدك عن حي في البحر مي

يشرب ولاياكل وهو في محيطه

نابت من الماء في البحر مصدره مي

عجزت احدد موقعه في الخريطه

الجواب )) الجنين ))

-----------------------------------------------------------------------------

77

انشدك عن بنت تجي فوق ولد

من فوق ابوها راكبه علم وكاد

خفيفة الاوزان مافيها جهد

بثنين تاخذها يازين الحماد

الجواب )) رغوة الحليب ))

-------------------------------------------------------------------------

78

انشدك عن بنت بشعيب خالي

مصده عن الناس ماقلبوها

ماتبدي الى بروس الجبالي

من دونها ربعة احتموها

الجواب))الهات البعير ))

------------------------------------------------------------------------------

79

انشدك عن طير اليا طار ماشيف

له موقع اليا طار لازم يروده

له موقع بين السهل والمشاريف

في سقف ضلع الىلجين عن افهوده

يشوف حتى اللبنى واغظاريف

من شوفته ترمي الغطاء عن اخدوده

الجواب ))النوم ))

-----------------------------------------------------------------------------

80

وش ميت يموت من السنان

يجيه موته من تحت فيت عصاه

ويموت لين يروح في حلة شنان

وعادله ربه ورده الليا الحياه

ويموت وشال في وسط الكفان

واشتاله الكفان واقفابه وراه

الجواب )) البرسيم ))

--------------------------------------------------------------------------------

81

انشدك عن رجلا ارجوله ثلاث

يمشي على ثنتين والثالثه لا

وحده من ارجوله ورثها وراث

وثنتين منهن دم والثالثه ماء

الجواب )) غراب ))

--------------------------------------------------------------------------------------

82

انشدك عن ثوب وسيع وملبوس

على ابسيطه تلبسه كل الاجناس

يجي صحيح الاسم لوكان معكوس

وان انخلع من ناس جاء غيرهم ناس

الجواب )) الظلام ))

------------------------------------------------------------------------------------

83

انشدك عن بنت كثير ة الجمالي

تمر عريانه ولاهمها الناس

اليا اضحكت تبهر العقول الرجالي

والي بكت تزيل عن النفس الاتعاس

الجواب )) السحابه ))

-----------------------------------------------------------------------------------

84

انشدك عن قاضي قضى ماتكلام

يصدر احكامه على دين الاسلام

الناس ترضابه وهو ماتعلم

يفسر الحجه ولا هوب ظلام

اذا غلط هذا على ذاك علم

ولابعدت شفته صلى ولا صام

الجواب )) الميزان ))

-----------------------------------------------------------------------------

85

منهم اثنين عقب عصرالنبي نوح

شرع البواخر في البحر انسجوها

طبو بحر تسعين والكل سابوح

متواعدين القوع لين اوصلوها

واحد ربح روح وواحد خسر روح

والله مع الي كلمته قوموها

الجواب ))النبي موسى عليه الاسلام و فرعون ))

----------------------------------------------------------------------------

86

انشدك عن ثنتين سويتهن

هن ميتات ويفرقن حي عن حي

مربطات روسهن بالاعنه

الرسانهن تطوي على ارقابهن طي

الجواب ))صرار الناقه ))

-------------------------------------------------------------------

87

انشدك عن شي يجي في الدقيقه مرتين

والكل السنه مامر ولكن في القرن اذكروه

تراه واحد ماذكرنا لاتحسبنه اثنين

من عرض عشرين وثمان اهل المعرفه طلعوه

الجواب )) حرف القاف ))

------------------------------------------------------------------------------

88

انشدك عن بنت مع الناس

معلقه اعيالها في ارقبتها

اعيالها يجون اشكال واجناس

ولولا اعيالها اناس مابغتها

الجواب))ميدالية المفاتيح ))

------------------------------------------------------------------------

89

انشدك عن شي مع الناس مسموع

مايستوي ياكود عكسه ترده

سهمه خفي وداخل الجوف مزروع

يالي سمعت اللغز عطني مرده

الجواب ))السلام ))

------------------------------------------------------------------------------

90

اسئلك عن بنت بها الناس يشقون

ومهما يطول بها العمل ماتمله

اعيالها من عند فمها يطيحون

الياطاح هذا صار هذا محله

الجواب )) الدباسه ))

--------------------------------------------------------------------------

91

ويش رجلا دورره المعازيب

مطلوب بلمرسوم من شيخ دوله

وتقفوه ارجال يتعبون المناديب

وان جاه اخته حاضره مايطوله

واخته تقف دونه عن الشك والريب

لا صارت معه مايدوجون حوله

الجواب )) تصرح السلاح ))

-------------------------------------------------------------------------

92

انشدك عن بنت في ظهربنت

من شان رجلا بين يخدعونه

وحده تقول انا له تزينت

وهو طماع يحسبني على كيف ظنه

ووحده تقول انا له تزينت ولا خنت

ومسكته مسكة على غير سنه

الجواب )) الشبكه والحمامه واصقر ))

------------------------------------------------------------------------

93

وش هو الي يستر الناس وهو عاري

الجواب ))الابره))

» اللغاز تفضلوا
» تابع لموضوع ((دروس الثالثة ثانوي))
» تابع دروس جاهزة وملخصة مع تحليل وثاقق الكتاب لمادة العلوم الطبيعية السنة 1 ثانوي